Boletín de datos estatísticos de medidas impostas a persoas menores de idade en conflito coa Lei

Trátase dun Boletín Estatístico en vigor desde o ano 2001 tras a entrada en vigor da Lei Orgánica 5/2000, do 12 de xaneiro, reguladora da responsabilidade penal dos menores, que ofrece anualmente os datos de medidas impostas a persoas menores de idade infractoras, notificadas e executadas polas Comunidades Autónomas, tanto as de internamento como as de medio aberto. A súa periodicidade é anual.

Para a elaboración do Boletín, utilízanse os datos recibidos directamente das Comunidades e Cidades autónomas, en relación coa aplicación da Lei Orgánica 5/2000. Estes datos son rexistrados polas distintas entidades públicas competentes na materia, de acordo co artigo 45 da citada lei, que establece no seu apartado primeiro que: “A execución das medidas adoptadas polos Xuíces de Menores nas súas sentenzas firmes é competencia das Comunidades Autónomas e das Cidades de Ceuta e Melilla, de acordo coa disposición final vixésima segunda da Lei Orgánica 1/1996, do 15 de xaneiro, de Protección Xurídica do Menor. Estas entidades públicas levarán a cabo, de acordo coas súas respectivas normas de organización, a creación, dirección, organización e xestión dos servizos, institucións e programas adecuados para garantir a correcta execución das medidas previstas nesta Lei”.

Para a recollida de datos utilízase a ferramenta BOLETINF, descrita anteriormente para o Boletín de Protección, só que en lugar de ser Técnicos de Protección das CCAA os encargados da súa cumprimentación en liña, trátase de Técnicos do sistema de xustiza xuvenil.

O contido do Boletín de datos estatísticos de medidas impostas a persoas menores de idade en conflito coa Lei céntrase nos seguintes datos: medidas notificadas e executadas do art. 7 da Lei Orgánica 5/2000 desglosadas por grupos de idade e sexo; medidas cautelares notificadas e executadas ao longo do ano con desglose por sexo e grupos de idade; medidas de mediación extraxudicial notificadas e executadas con idéntico desglose; e incluíndo desde 2020 os apartados de persoas menores de idade con expedientes de protección, as medidas de execución, as actuacións alternativas ás medidas xudiciais, número de centros e sistema penitenciario; todo iso coa súa evolución temporal.