Comité de expertos para a creación de contornas dixitais seguras para a infancia e a mocidade

O Comité de Persoas Expertas para a Creación de Contornas Dixitais Seguras para a Infancia e a Mocidade é unha iniciativa do Ministerio de Mocidade e Infancia en España que foi creada mediante a Resolución do 1 de febreiro, pola que se publica o Acordo do Consello de Ministros do 30 de xaneiro de 2024. Este Comité integrouse dentro do Ministerio de Mocidade e Infancia e tivo natureza de grupo de traballo.

Designáronse os 50 membros do Comité de Persoas Expertas, co obxectivo de poder ofrecer un diagnóstico multidisciplinar sobre a forma de desenvolver contornas dixitais seguras (baseándose na evidencia científica e a experiencia práctica), mediante a Resolución do 25 de febreiro de 2024, de nomeamento do Comité de persoas expertas para xeración de unha contorna dixital segura para a mocidade e a infancia. O Comité estivo composto por un grupo de persoas expertas que achega enfoques, miradas e responsabilidades moi amplas. Cada un dos integrantes do grupo posúe experiencia no seu campo ou traxectoria profesional.

O obxectivo da Comisión de Persoas Expertas foi, no prazo máximo de seis meses desde a súa constitución, remitir ao Goberno, a través do Ministerio de Mocidade e Infancia, un informe cuxo obxectivo foi xerar unha contorna dixital segura, que contribúa á mellor protección do desenvolvemento integral da infancia, adolescencia e a mocidade.

Este informe debeu:

Analizar as boas prácticas na contorna dixital.
Sinalar os principais riscos e perigos aos que poden enfrontarse na contorna dixital.
Formular recomendacións e actuacións a implementar, distinguindo entre as de curto, medio e longo prazo, que sirvan de folla de ruta co obxectivo de que as distintas administracións públicas garantan, cada unha no seu ámbito competencial, o desenvolvemento integral da infancia e a mocidade.

Tras 8 sesións do Comité, publicouse o Informe do Comité de Persoas Expertas para o desenvolvemento dunha Contorna Dixital Segura para a Mocidade e a Infancia. Este informe detallado inclúe 107 medidas agrupadas en bloques de implementación a curto, medio e longo prazo. Estas medidas buscan protexer os dereitos da infancia e a adolescencia no ámbito dixital, promovendo a prevención, detección precoz e protección fronte a posibles vulneracións. Entre as súas propostas destacan ferramentas como o control parental, a verificación de idade e a loita contra o "sharenting" (compartir información privada de menores en redes sociais).

Informe do comité de persoas expertas para o desenvolvemento dunha contorna dixital segura para a mocidade e infancia